मुंबई-पुणे एक्सप्रेस वेवर आज दुपारी वाहतूक राहणार बंद, गॅन्ट्री बसवण्यासाठी ब्लॉक

मुंबई-पुणे महामार्गावर 23 मे रोजी दुपारी ब्लॉक घेण्यात येणार आहे. हायवे ट्रॅफिक मॅनेजमेंट सिस्टम अंतर्गत मुंबई-पुणे द्रुतगती मार्गावर गॅन्ट्री बसवण्याचे काम महाराष्ट्र राज्य रस्ते विकास महामंडळामार्फत आज (23 मे 2024) रोजी दुपारी 12 वाजेपासून ते दुपारी 1 वाजेदरम्यान करण्यात येणार आहे.

('NDTV मराठी' चं अधिकृत व्हॉट्सअ‍ॅप चॅनल जॉईन करा )

गॅन्ट्री बसवताना सदर कालावधीत मुंबई वाहिनीवरील सर्व प्रकारच्या हलक्या आणइ जड अवजड वाहनांची वाहतूक पूर्णतः बंद करण्यात येणार आहे. वाहनधारकांना ब्लॉकदरम्यान पर्यायी मार्गाने प्रवास करता येईल. 

(नक्की वाचा-  देश हादरवणाऱ्या 6 अपघात प्रकरणांतील आरोपींचे काय झाले?)

पर्यायी  मार्ग कोणते?

• मुंबई-पुणे महामार्गावरून पुण्याहून मुंबईकडे येणाऱ्या हलक्या वाहनांना जुना मुंबई-पुणे मार्गावरून जाता येतील.
• पुण्याहून मुंबईकडे येणाऱ्या हलक्या वाहनांना तसेच बसेसना खोपोली एक्झिट येथून वळवून जुना पुणे-मुंबई महामार्गावरून खोपोली शहरातून पुढे शेडूंग टोल नाका मार्गावरून येतील.
• पुण्याहून मुंबईकडे येणाऱ्या हलक्या व जड-अवजड वाहनांना खालापूर टोल नाक्यांवरुन जुना पुणे - मुंबई  महामार्गावरून खोपोली शहरातून पुढे शेडुंग टोल नाका यातून जाता येणार आहे.
• पुण्याहून मुंबईकडे येणाऱ्या हलक्या व जड-अवजड वाहनांना पनवेल मार्गे मुंबईच्या दिशेने पुढे जाता येणार आहे.
• पुण्याहून मुंबईकडे येणारी वाहने शेडुंग फाटयावरुन सरळ पनवेल दिशेने मार्गस्थ करण्यात येतील.