Samantha Raj Marriage : दाक्षिणात्य आणि बॉलिवूडमधील प्रसिद्ध अभिनेत्री समांथा रुथ प्रभू आणि चित्रपट निर्माते राज निदिमोरु यांनी 1 डिसेंबर 2025 रोजी लग्न केले. त्यांनी कोईम्बतूर येथील ईशा योग केंद्रातील लिंग भैरवी मंदिरात अगदी खासगी समारंभात सात फेरे घेतले. बऱ्याच दिवसांपासून दोघांनी त्यांचे नाते गोपनीय ठेवले होते. त्यामुळे त्यांच्या लग्नाचे फोटो सोशल मीडियावर येताच चाहत्यांना धक्का बसला. लग्नाच्या दुसऱ्याच दिवशी, म्हणजेच 2 डिसेंबरला, हे नवविवाहित जोडपे केवळ एक दिवसाच्या हनिमूनसाठी गोव्याला रवाना झाले.
एका दिवसाच्या हनिमूनमागील कारण काय?
एअरपोर्टवर समांथा खूप आनंदी दिसत होती. मीडियाशी बोलताना ती म्हणाली, "आजपर्यंत माझ्या आयुष्यात मी इतका आनंद कधीच अनुभवला नाही. राज मला ज्या पद्धतीने पूर्ण करतो, ते शब्दांत सांगता येणार नाही." हनिमून फक्त एका दिवसाचाच का, असे विचारल्यावर समांथा हसून उत्तरली, "सध्या फक्त एकच दिवस काढता आला आहे, कारण 4 डिसेंबरपासून माझ्या नव्या प्रोजेक्टचे शूटिंग सुरू होत आहे. पण नंतर आम्ही नक्कीच मोठा हनिमून साजरा करू."
राजने समांथाला दिले दोन खास गिफ्ट्स
सूत्रांनी दिलेल्या माहितीनुसार, राज निदिमोरुने लग्नाच्या निमित्ताने समांथाला दोन खास भेटवस्तू दिल्या आहेत. यापैकी पहिली भेट म्हणजे हैदराबादच्या पॉश जुबली हिल्स परिसरात असलेले एक आलिशान घर, ज्याच्या चाव्या त्याने समांथाकडे सोपवल्या. दुसरी खास भेट म्हणजे 1.5 कोटी रुपये किमतीची एक मौल्यवान डायमंड रिंग आहे.
( नक्की वाचा : Samantha Ruth Prabhu : समांथा रुथ प्रभूनं लग्न केलं ते Raj Nidimoru कोण आहेत? 7 वर्षांत मोडला होता पहिला संसार )
समांथा आणि राज यांची पहिली भेट 'द फॅमिली मॅन 2' या लोकप्रिय वेब सीरिजच्या सेटवर झाली होती. यानंतर दोघांनी 'सिटाडेल: हनी बनी' मध्येही एकत्र काम केले आहे. समांथा जेव्हा मायोसायटीस (Myositis) या आजाराशी झुंज देत होती, तेव्हा राजने तिला प्रत्येक पावलावर साथ दिली, ज्यामुळे त्यांच्यातील जवळीक वाढली, अशी चर्चा आहे.
दोघांचेही दुसरे लग्न
विशेष म्हणजे, समांथा आणि राज या दोघांचेही हे दुसरे लग्न आहे. समांथाचा नागा चैतन्यशी 2021 मध्ये घटस्फोट झाला होता, तर राज निदिमोरु 2022 मध्ये त्याची पहिली पत्नी श्यामाली डे हिच्यापासून वेगळा झाला होता. आता नव्या आयुष्याची सुरुवात करणाऱ्या या जोडप्याला फॅन्स आणि सेलिब्रिटींकडून खूप खूप शुभेच्छा मिळत आहेत.
Track Latest News Live on Marathi.NDTV.com and get news updates from India and around the world
