Pune News: पुणे आणि रायगड जिल्ह्यांत 2100 मेगावॉट क्षमतेचा पिंपळपाडा-सावळे उदंचन जलविद्युत प्रकल्प विकसित करण्यासाठी चॅम्बेरी पॉवर (ईडीएफ सोल्युशन प्रायव्हेट लिमिटेड यांची समूह कंपनी) यांच्यासोबत मुख्यमंत्री देवेंद्र फडणवीस यांच्या उपस्थितीत सामंजस्य करार करण्यात आला. राज्य शासनाच्या सार्वजनिक-खासगी भागीदारी (PPP) धोरणानुसार 2100 मेगावॉट क्षमतेचा उदंचन जलविद्युत प्रकल्प उभारण्यासाठी हा करार करण्यात आला आहे. ऊर्जा साठवण आणि स्थिर वीजपुरवठा सुनिश्चित करण्याच्या दृष्टीने हा प्रकल्प महत्त्वाचा टप्पा मानला जात आहे.
प्रकल्पाचा तपशील
- गुंतवणूक: चॅम्बेरी पॉवर प्रायव्हेट लिमिटेडमार्फत पिंपळपाडा-सावळे उदंचन जलविद्युत प्रकल्प पुणे व रायगड जिल्ह्यांत विकसित करण्यात येणार आहे.
- या प्रकल्पासाठी सुमारे 10 हजार 217 कोटी रुपयांची गुंतवणूक प्रस्तावित आहे.
- रोजगार: या प्रकल्पामुळे अंदाजे 2,500 रोजगार निर्मिती होणार आहे.
- क्षमता: पुणे आणि रायगड जिल्ह्यांत विकसित होणाऱ्या या प्रकल्पाची एकूण क्षमता 2100 मेगावॉट असेल.
(नक्की वाचा: SARATHI Scholarship : मराठा-कुणबी विद्यार्थ्यांसाठी मोठी संधी!'सारथी' देणार शिक्षणासाठी मदत, असा करा अर्ज)
महाराष्ट्रातील उदंचन जलविद्युत प्रकल्पांची स्थिती
- राज्यात आतापर्यंत एकूण 55 उदंचन जलविद्युत प्रकल्पांद्वारे 78,215 मेगावॉट वीज निर्मिती अपेक्षित आहे.
- या माध्यमातून सुमारे 4.17 लाख कोटी रुपयांची गुंतवणूक तर सुमारे 1.28 लाख मनुष्यबळासाठी रोजगारनिर्मिती होणार आहे.
- औद्योगिक दराने सुमारे 1,762.21 कोटी रुपयांचा महसूल तर प्रतिवर्ष पुनर्भरणातून (Renewal/Refill) सुमारे 128.32 कोटी रुपयांचा महसूल मिळणे अपेक्षित आहे.
- ऊर्जा क्षेत्रातील ही मोठी गुंतवणूक राज्याच्या औद्योगिक विकासाला चालना देणारी ठरेल, असा विश्वास यावेळी व्यक्त करण्यात आला.
विधान भवन येथील आयोजित कार्यक्रमास जलसंपदा मंत्री (गोदावरी व कृष्णा खोरे विकास महामंडळ) राधाकृष्ण विखे पाटील, जलसंपदा (विदर्भ, तापी,कोकण पाटबंधारे विकास महामंडळ), आपत्ती व्यवस्थापन मंत्री गिरीश महाजन, जलसंपदा विभागाचे अपर मुख्य सचिव दीपक कपूर, सार्वजनिक बांधकाम विभागाचे अपर मुख्य सचिव मिलिंद म्हैसकर, महाराष्ट्र राज्य वीज निर्मिती कंपनी (महाजनको)चे व्यवस्थापकीय संचालक राधाकृष्णन बी., ईडीएफ सोल्युशन प्रायव्हेट लिमिटेडचे मुख्य कार्यकारी अधिकारी गुरिएक सर्वन तसेच विविध विभागांचे वरिष्ठ अधिकारी उपस्थित होते.
Track Latest News Live on Marathi.NDTV.com and get news updates from India and around the world
