Solapur News : रात्री झोपताना एक चूक पडली महागात; सकाळी 2 चिमुरड्यांचा मृत्यू

सौरभ वाघमारे, प्रतिनिधी

Solapur News : सोलापुरातील घरात एका चुकीमुळे अख्खं कुटुंब उद्ध्वस्त झाल्याची घटना समोर आली आहे. दोन दिवसांपूर्वी युवराज मोहन सिंह बलरामवाले यांचे कुटुंबीय तिरुपतीच्या दर्शनासाठी गेले होते. काल 31 ऑगस्टला त्यांच्या घरी नातेवाईक आले होते. सर्वांना त्यांनी तिरुपतीचा प्रसाद वाटला. यानंतर ते झोपी गेले. सकाळी जाग आली तर बलरामवाले यांच्या दोन्ही मुलांचा मृत्यू झाला होता. याशिवाय पत्नी अन् आईसह त्यांना तातडीने रुग्णालयात दाखल करण्यात आलं होतं. 

त्या रात्री नेमकं काय घडलं? 

गवंडी काम करणारे युवराज मोहन सिंह बलरामवाले पत्नी रंजना आई विमल आणि दोन मुलं हर्ष आणि अक्षरासोबत लष्कर परिसरातील बेडर फुलजवळ राहतात. ३१ ऑगस्टला त्यांना नातेवाईकांना तिरुपतीचा प्रसाद वाटला आणि पाचही जण झोपी गेले. रात्री झोपताना त्यांनी गॅस व्यवस्थित बंद केला नव्हता. त्याचे घर दहा बाय पाच आणि हवा बंद खोलीत पाच जणांचं कुटुंब झोपलं होते. रात्रभर गॅस गळतीतून 5 जणांचा श्वास गुदमरल्यामुळे संपूर्ण कुटुंब बेशुद्ध प्राथमिक झालं होतं. सकाळी ११ वाजते तरी त्यांनी खोलीचं दार न उघडल्याने बलरामवाले यांच्या नातेवाईकांना फोन करून सर्व प्रकार सांगितला. नातेवाईकांनी घराचं दार उघडलं तर आत गॅसचा वास येत होता. याशिवाय पाचही जणांच्या तोंडातून फेस येत होता. हे पाहताच पाचही जणांना तातडीने रुग्णालात दाखल करण्यात आलं. मात्र या दुर्घटनेत बहीण-भावाचा मृत्यू झाला आहे. वडील, आई, आजी या तिघांवर सिव्हील रुग्णालयात उपचार सुरू आहे.  

4 वर्षांची अक्षरा बलरामवाले हिचा मृत्यू झाला असून तिची आई रंजना ही रुग्णालयात दाखल आहे

नक्की वाचा - Gas Cylinder Price: खुशखबर! LPG गॅस सिलेंडर झाले स्वस्त; आजपासून नवे दर लागू; जाणून घ्या भाव

या दुर्घटनेत युवराज मोहन सिंग बलरामवाले (40), रंजना युवराज बलरामवाले (35), विमल मोहन सिंग बलरामवाले (60) यांच्यावर उपचार सुरू आहेत. तर हर्ष बलरामवाले (6), अक्षरा बलरामवाले(4) यांचा दुर्दैवी मृत्यू झाला. या पाच जणांच्या कुटुंबातील रक्ताचे नमुने तपासणीसाठी पाठवण्यात आले आहेत. बलरामवाले कुटुंब दोन दिवसापूर्वीच तिरुपती वरून दर्शन घेऊन परतले होते. युवराज हा गवंडी तर रंजना ही विडी कामगार म्हणून काम करते. आई विमल ही एका रुग्णालयात कामाला होती. रंजना हिच्या सोबत काम करणाऱ्या महिला विडीचे पत्ते आणण्यासाठी गेला असता संपूर्ण कुटुंब बेशुद्ध अवस्थेत आढळून आले. नातेवाईक आणि शेजाऱ्यांनी सिव्हिल रुग्णालयात गर्दी केली होती. याप्रकरणी सिव्हिल पोलीस चौकी येथे नोंद करण्यात आली आहे.