- मनोज सातवी, प्रतिनिधी
Vasai News: नालासोपारा, वसई-विरार परिसरातील तरुणांमध्ये दहशत निर्माण झालीय. ऑनलाइन डेटिंग अ‍ॅपच्या माध्यमातून पुरुषांशी संपर्क साधून तरुणींकडून त्यांना फसवण्यात येत असल्याचा धक्कादायक प्रकार समोर आलाय. ही घटना उघडकीस आल्यानंतर परिसरात खळबळ उडालीय. ऑनलाइन डेटिंग अ‍ॅपच्या मदतीने दोन तरुणी पुरुषांशी संपर्क साधायच्या. भेटण्याच्या बहाण्याने त्यांना एखाद्या लॉजवर न्यायच्या आणि दारूतून गुंगीचे औषध देऊन त्यांच्याकडील महागड्या दागिन्यांसह अन्य गोष्टी लुबाडून या मुली पसार व्हायच्या. हनी ट्रॅप रॅकेट चालवणाऱ्या दोन महिलांना मांडवी पोलीस ठाण्याच्या पथकाने अवघ्या 48 तासांत पकडून अटक केली आहे.
मांडवी पोलिसांनी केली कारवाई
आरोपी तरुणींकडून पोलिसांनी एकूण 4 लाख 13 हजार रुपयांचा मुद्देमालही जप्त केलाय.
(नक्की वाचा: Pune Viral Video: सिगारेटचे पैसे मागितले, फुकट्या ग्राहकाने कोयता काढला अन्... पुणेकरांमध्ये मोठी दहशत)
गुन्हा कसा आला समोर?
डेटिंग अ‍ॅपच्या मदतीने यापैकी एका तरुणीने 31 वर्षीय तरुणासोबत ओळख वाढवली. 22 नोव्हेंबर रोजी दोन्ही महिला आरोप आणि पीडित तरुण मिळून मांडवी परिसरातील एका लॉजवर गेले. तिघांनी मद्यपान केले. जास्त प्रमाणात दारू प्यायल्याने आणि तरुणींनी दारूमध्ये गुंगीचे औषधे मिक्स केलेलं असल्याने तरुणाला गाढ झोप लागली. सकाळी जाग आल्यानंतर त्याच्या पायाखालची जमिनीच सरकली. रुममध्ये त्या दोघीही नव्हता आणि त्याच्या गळ्यातील सोन्याची चेन, मोबाइल आणि स्मार्ट वॉच असा 1 लाख 83 हजार रुपयांचा मुद्देमाल चोरी करून पोरींनी पळ काढल्याचं त्याच्या लक्षात आलं. 23 नोव्हेंबर रोजीच्या रात्री देखील या मुलींनी दुसऱ्या तरुणाला अशाच पद्धतीने लुबाडलं. याबाबत काशिमीरा पोलीस ठाण्यात गुन्हा दाखल करण्यात आला.
(नक्की वाचा: माझा प्रियकर मरूनही जिंकला! मृतदेहाशी केले तरूणीने लग्न; नांदेडमधली 'सैराट' घटना)
आरोपींचा शोध कसा लागला?ओळख उघड होऊ नये म्हणून तरुणींनी डेटिंग अ‍ॅपवरील सर्व प्रोफाइल डिलिट केली. लॉजवरही स्वतःच्या ओळखीबाबत चुकीची माहिती दिली. ठोस पुरावा नव्हता, त्यामुळे आरोपींचा शोध घेणे पोलिसांसाठी आव्हानात्मक ठरत होतं. महत्त्वाचे म्हणजे या आरोपी महिला कोणताही ऑनलाइन व्यवहार करत नव्हत्या, कोणतेही पुरावे न ठेवण्याचा त्यांचा प्रयत्न असायचा. पण मांडवी पोलिसांनी सीसीटीव्ही फुटेजच्या आधारे तरुणींचे अंधुक फोटो मिळवले आणि मालाड परिसरातून दोघींच्या मुसक्या आवळल्या.
पोलिसांनी तरुणांना केले आवाहनया संपूर्ण कारवाईबाबत वरिष्ठ पोलीस निरीक्षक रणजीत आंधळे यांनी सांगितले की, मांडवी पोलीस ठाण्याच्या पथकाने अवघ्या दोन दिवसांत आरोपींचा शोधून गुन्ह्यांची उकल केली. तसेच तरुणांनी डेटिंग अ‍ॅप वापरताना सावधही राहावे.
प्रतिष्ठित पुरुषही अडकले होते जाळ्यात?धक्कादायक म्हणजे वसई विरार परिसरातील अनेक प्रतिष्ठित पुरुष या हनी ट्रॅपच्या जाळ्यात अडकले असल्याचा संशय आहे. पण बदनामीच्या भीतीने कोणीही तक्रार करण्यास पुढे येत नव्हते. त्यामुळे तपासात पोलिसांना अनेक अडचणींचा सामना करावा लागत होता,अशी माहिती समोर आलीय.
Track Latest News Live on Marathi.NDTV.com and get news updates from India and around the world
