How To Eat Egg: अंडे खाण्याची सर्वोत्तम पद्धत कोणती? ऑमलेट तयार करावे, उकडून की कच्चे खावे?

How To Eat Egg: प्रोटीनचा सर्वात चांगला आणि स्वस्त स्त्रोत म्हणजे अंडे. विशेषतः जिममध्ये जाणारी मंडळी व्यायाम केल्यानंतर डाएटमध्ये अंड्यांचा समावेश करतात. पण अंडे खाण्याची योग्य पद्धत कोणती, यावरुन लोकांच्या मनामध्ये अनेक प्रश्न असतात. काही लोकांना अंडे उकडून खायला आवडते तर काहींना ऑमलेट खाणे पसंत आहे, तर काही लोक कच्चेच अंडे खातात. तुमचाही यावरुन गोंधळ होतोय का, जाणून घेऊया सविस्तर माहिती...

अंड्यामध्ये किती प्रोटीन असते?

अंडे प्रोटीनचे उत्तम स्त्रोत आहे, म्हणून लोक नियमित याचे सेवन करतात. एका अंड्यामध्ये जवळपास 6 ग्रॅम इतके प्रोटीनचे प्रमाण असते. म्हणजे चार अंडी खाल्ल्यास शरीराला 24 ग्रॅम प्रोटीनचा पुरवठा होईल.  

अंडे खाण्याची योग्य पद्धत कोणती?

अंड्याचे सेवन करण्याच्या पद्धती वेगवेगळ्या आहेत, ज्या आरोग्यासाठी फायदेशीर ठरू शकतात. पण सर्वाधिक फायदेशीर पद्धत कोणती आहे, यावरुन बहुतांश लोकांचा गोंधळ होतो. जिममध्ये जाणारी काही मंडळी कित्येकदा कच्चे अंडे खाणं पसंत करतात, याद्वारे शरीराला पूर्णपणे प्रोटीन मिळते, असे अनेकांना वाटते. तर काही लोक अंडी उकडूनही खातात, तर काहीजण तेल किंवा बटरमध्ये ऑमलेट तयार करुन खातात.  

(नक्की वाचा: Kitchen Tips: अंडे किती वेळ उकडावे?)

अंड्याचे बलक खावे की खाऊ नये? 

अंड्याचे बलक खावे की खाऊ नये, यावरुनही काही लोक गोंधळलेले असतात. अंड्याचे केवळ पांढरा भाग खाणेच फायदेशीर असते, असा काही लोकांचा समज असतो. अंड्याच्या बलकामध्ये थोडेसे कोलेस्टेरॉल असते पण ते शरीरासाठी तितके हानिकारक नसते. त्यामुळे तुम्ही पूर्ण अंडे खाल्ले तर शरीरासाठी ते अधिक फायदेशीर ठरेल. 

(नक्की वाचा: Egg Side Effects: सावधान ! या 4 लोकांनी अंडे मुळीच खाऊ नये, अन्यथा...)

(Disclaimer: NDTV Marathi या माहितीची जबाबदारी घेत नाही. अधिक माहितीसाठी तज्ज्ञ/डॉक्टरांचा सल्ला घ्यावा. )