अमोल गावंडे, बुलडाणा
शेगाव-खामगाव महामार्गावर एक तिहेरी अपघाताची घटना घडली आहे. या भीषण अपघातात 5 जणांचा मृत्यू झाल्याची माहिती मिळत आहे. तर वाहनांचेही मोठे नुकसान झाले आहे. खाजगी प्रवासी बस, एसटी बस आणि बोलेरो या तीन वाहनामध्ये हा भीषण अपघात झाला आहे.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
प्राथमिक माहितीनुसार, बुधवारी पहाटे 5.30 वाजेच्या सुमारास भरधाव बोलेरो कार एसटी बसवर धडकली. त्यानंतर पाठीमागून येणारी खाजगी प्रवासी बस ही या अपघातग्रस्त वाहनांना धडकली. या भीषण अपघातात पाच जणांचा मृत्यू झाला, असून 24 जण जखमी आहेत.
(नक्की वाचा- Shivsena vs MNS : गंगाजल शुद्धच आहे पण काहींच्या विचारांचे काय? शिवसेनेचा राज ठाकरेंवर निशाणा)
घटनेची माहिती मिळताच पोलिसांनी घटनास्थळी धाव घेत मदतकार्य सुरु केलं आहे. तर जखमींवर खामगाव येथील शासकीय रुग्णालयात उपचार सुरू आहेत. मात्र हा भीषण अपघात नेमका कसा आणि कुणाच्या चुकीमुळे झाला, हे अद्याप कळू शकलेलं नाही. अपघात इतका भीषण होता की तीनही वाहनांचा अक्षरश: चुराडा झाला आहे.
(नक्की वाचा- Waqf Amendment Bill : वक्फ विधेयकाला मंजुरी मिळणार का? लोकसभेतील गणित कसं असेल?)
अपघातातील भरधाव बोलेरो शेगावकडून कोल्हापूरकडे जात होती. याच वेळी एक एसटी महामंडळाची बस जी पुण्याकडून परतवाडाकडे जात होती. बोलेरो आणि एसटी बसमध्ये अपघात झाल्यानंतर एक खासगी प्रवासी वाहतूक बस या दोन अपघातग्रस्त वाहनांना धडकली. हा अपघात इतका भीषण होता की 5 जणांचा जागीच मृत्यू झाला. तर 7 जणांची प्रकृती गंभीर असल्याची समोर येत आहे.
Track Latest News Live on Marathi.NDTV.com and get news updates from India and around the world
