Cabinet Expansion : पश्चिम महाराष्ट्राला मोठं वजन, कमी मंत्रिपदं कोणत्या विभागात? वाचा मंत्रिमंडळ विस्ताराचं विश्लेषण 

फडणवीस सरकारचा मंत्रिमंडळ विस्तार पूर्ण झाला असून 39 नेत्यांनी मंत्रिपदाची शपथ घेतली. महायुतीमध्ये मंत्रिमंडळ विस्ताराबाबत एकमत नसल्याने हा शपथविधी सोहळा लांबला गेल्याची चर्चा होती. अखेर आज 15 डिसेंबर रोजी शपथविधी सोहळा पार पडला. शपथविधी घेतलेल्या मंत्र्यांची यादी पाहिली तर विभागीय संतुलन राखण्याचा प्रयत्न केल्याचं दिसत आहे. मात्र तरीही दोन विभागात सर्वाधिक मंत्र्यांचा समावेश आहे.  

नक्की वाचा - Cabinet Expansion: कोण कोणत्या नेत्यांनी घेतली मंत्रिपदाची शपथ, राज्यमंत्रिपदी कोणाची वर्णी?

शपथ घेतलेल्या मंत्र्यांची संपूर्ण यादी...

    1.    चंद्रशेखर बावनकुळे - नागपूर, विदर्भ
    2.    राधाकृष्ण विखे पाटील - अहमदनगर, पश्चिम महाराष्ट्र
    3.    हसन मुश्रीफ - कोल्हापूर, पश्चिम महाराष्ट्र
    4.    चंद्रकांत पाटील - पुणे, पश्चिम महाराष्ट्र
    5.    गिरीश महाजन - जळगाव, उत्तर महाराष्ट्र
    6.    गुलाबराव पाटील - जळगाव, उत्तर महाराष्ट्र
    7.    गणेश नाईक - नवी मुंबई, कोकण
    8.    दादा भुसे - नाशिक, उत्तर महाराष्ट्र
    9.    संजय राठोड - यवतमाळ, विदर्भ
    10.    धनंजय मुंडे - बीड, मराठवाडा
    11.    मंगलप्रभात लोढा - मुंबई, कोकण
    12.    उदय सामंत - रत्नागिरी, कोकण
    13.    जयकुमार रावल - धुळे, उत्तर महाराष्ट्र
    14.    पंकजा मुंडे - बीड, मराठवाडा
    15.    अतुल सावे - औरंगाबाद (छत्रपती संभाजीनगर), मराठवाडा
    16.    अशोक उईके - अमरावती, विदर्भ
    17.    शंभूराज देसाई - सातारा, पश्चिम महाराष्ट्र
    18.    आशिष शेलार - मुंबई, कोकण
    19.    दत्तात्रय भरणे - पुणे (इंदापूर), पश्चिम महाराष्ट्र
    20.    आदिती तटकरे - रायगड, कोकण
    21.    शिवेंद्रराजे भोसले - सातारा, पश्चिम महाराष्ट्र
    22.    माणिकराव कोकाटे - नाशिक, उत्तर महाराष्ट्र
    23.    जयकुमार गोरे - सातारा, पश्चिम महाराष्ट्र
    24.    नरहरी झिरवळ - नाशिक, उत्तर महाराष्ट्र
    25.    संजय सावकारे - जळगाव, उत्तर महाराष्ट्र
    26.    संजय शिरसाट - औरंगाबाद (छत्रपती संभाजीनगर), मराठवाडा
    27.    प्रताप सरनाईक - ठाणे, कोकण
    28.    भरत गोगावले - रायगड, कोकण
    29.    मकरंद पाटील - सांगली, पश्चिम महाराष्ट्र
    30.    नितेश राणे - सिंधुदुर्ग, कोकण
    31.    आकाश फुंडकर - बुलढाणा, विदर्भ
    32.    बाबासाहेब पाटील - सोलापूर, पश्चिम महाराष्ट्र
    33.    प्रकाश आबिटकर - कोल्हापूर, पश्चिम महाराष्ट्र
    34.    माधुरी मिसाळ - पुणे, पश्चिम महाराष्ट्र
    35.    आशिष जैस्वाल - चंद्रपूर, विदर्भ
    36.    पंकज भोयर - नागपूर, विदर्भ
    37.    मेघना बोर्डीकर - नांदेड, मराठवाडा
    38.    इंद्रनील नाईक - गोंदिया, विदर्भ
    39.    योगेश कदम - रत्नागिरी, कोकण

('NDTV मराठी' चं अधिकृत व्हॉट्सअ‍ॅप चॅनल जॉईन करा )

वरील यादीवरुन लक्षात येतं की, पश्चिम महाराष्ट्रात सर्वाधिक मंत्री दिले गेले आहेत. यातही पुणे, सातारा, सांगली, सोलापूर, कोल्हापूर यांना समावेश आहे. (एकूण 11 मंत्री). यामुळे या भागाच्या राजकीय ताकदीचे प्रतिबिंब दिसते. विदर्भात नागपूर, यवतमाळ, अमरावती, चंद्रपूर, बुलढाणा, गोंदिया यांसारख्या जिल्ह्यांना प्रतिनिधित्व देण्यात आले (एकूण 8 मंत्री) आहेत.  उत्तर महाराष्ट्रात नाशिक, धुळे, जळगाव यासारख्या भागांना चांगले प्रतिनिधित्व (एकूण 6 मंत्री) देण्यात आले असून मराठवाड्यात बीड, औरंगाबाद, नांदेड यांसारख्या भागांचा समावेश आहे (एकूण 6 मंत्री). याशिवाय कोकणात रायगड, रत्नागिरी, सिंधुदुर्ग, मुंबई, नवी मुंबई, ठाणे यांना मिळून 8 मंत्रिपद देण्यात आली आहेत. मुंबई-ठाणे या भागातील प्रादेशिक राजकारण लक्षात घेऊन 3 प्रमुख नेत्यांना स्थान देण्यात आलं आहे. 

नक्की वाचा - ​​​​​​​मविआ सरकारमध्येही मंत्रिपद, शिंदे सरकारमधील पहिल्या महिला मंत्री; आदिती तटकरे पुन्हा शपथविधीच्या मंचावर

पश्चिम महाराष्ट्र आणि विदर्भ यांना मोठे वजन दिले गेले आहे, जे या भागातील प्रभावी राजकीय नेत्यांच्या उपस्थितीमुळे अपेक्षित असल्याचं सांगितलं जात होतं. मराठवाड्याला तुलनेने कमी प्रतिनिधित्व वाटते, परंतु धनंजय मुंडे आणि पंकजा मुंडे यांसारख्या प्रमुख नेत्यांचा समावेश आहे. कोकणाचा हिस्सा संतुलित ठेवला असून मुंबई, ठाणे, रायगड, रत्नागिरी या जिल्ह्यांना पुरेसा आवाज दिला आहे.    महिला प्रतिनिधित्वासाठी मेघना बोर्डीकर, आदिती तटकरे, माधुरी मिसाळ, पंकजा मुंडे यांना स्थान मिळाले आहे.

या जिल्ह्यात कुणालाही मंत्रिपद नाही!
गडचिरोली
अमरावती
सोलापूर
गोंदिया
नंदुरबार
पालघर
भंडारा
नांदेड
हिंगोली
वाशिम
जालना
चंद्रपूर
अकोला
सांगली
वाशिम