Mumbai Municipal Corporation elections : सध्या राज्यभरात नगरपरिषद आणि नगरपंचायत निवडणुकींचे वारे वाहत आहे. प्रचाराचाही जोर वाढला आहे. येत्या २ डिसेंबर रोजी राज्यातील २४६ नगरपरिषदा आणि ४२ नगरपंचायतीच्या निवडणुकांसाठी मतदान होणार आहे. दुसरीकडे पक्षांकडून महापालिका निवडणुकीची तयारी जोरात सुरू आहे. विविध समीकरणं जोडण्याचा प्रयत्न केला जात आहे. देशातील सर्वात श्रीमंत महानगरपालिकांपैकी असलेल्या मुंबई पालिकेवर आपल्या पक्षाचा झेंडा रोवला जावा यासाठी पक्षांनी कंबर कसली आहे.
मुंबई महानगरपालिकेसाठी भाजपचा अजेंडा...
सर्वसाधारणपणे निवडणुकांमध्ये मुद्द्यांवरुन मतदान होतं हे लक्षात घेऊन भाजपकडून निवडणुकीसाठी अजेंडा तयार केला जात आहे. यंदा भाजपकडून मुंबईतील मराठी मतदार वॉर्डावर लक्ष केंद्रीत केलं जाणार असल्याची माहिती NDTV मराठीच्या हाती लागली आहे. मुंबईतील मनपा क्षेत्रातील ८६ वॉर्डावर मराठी मतदारांचा प्रभाव अधिक आहे. अशा वॉर्डवर भाजपाचा फोकस असल्याचं सांगितलं जात आहे. भाजपा पुढील पंधरा दिवसात बुथ प्रमुख माध्यमातून मतदार थेट संवाद संपर्क करणार आहे.
नक्की वाचा - Local Body Elections: झेडपी-मनपा आरक्षण पुन्हा! निवडणूक आयोग घेणार मोठा निर्णय, वाचा सविस्तर
मराठी बहुल मतदार वॉर्डात आरएसएस आणि भाजपा स्थानिक पदाधिकारी संवाद वेगवेगळ्या कार्यक्रम आयोजन करण्यात येणार आहे. मराठी मतदार मुंबई विकास याअंतर्गत भाजपकडून उद्धव ठाकरे यांच्या कार्यकाळात मनपा भ्रष्टाचाराच्या माहितीचा प्रचार प्रसार करणार येणार आहे. मुंबई मनपात दोन ठाकरे एकत्र येण्याची चर्चा एकाबाजूस सुरू असताना मराठी मतदांराची अधिक जवळीक हा भाजपाचा अजेंडा असेल.
Track Latest News Live on Marathi.NDTV.com and get news updates from India and around the world
