Global News| Chenab पुलाने काश्मीरला दिली प्रगतीची नवी वाट; चिनाब पुलामुळे पर्यटन आणि व्यापाराला बळ
चिनाब नदीवर तब्बल ३५० मीटरहून अधिक उंचीवर उभारलेला चिनाब पूल काश्मीर खोऱ्याला देशाच्या इतर भागांशी जोडण्यात महत्त्वाची भूमिका बजावत आहे. हा पूल उधमपूर-श्रीनगर-बारामुला रेल्वे लिंक प्रकल्पाचा भाग असून, यामुळे रेल्वेमार्गे मालाची वाहतूक अधिक सुलभ झाली आहे. हा पूल सुरू झाल्यामुळे स्थानिक व्यापाऱ्यांना माल पाठवण्यासाठी स्वस्त आणि पर्यावरणपूरक वाहतुकीचा पर्याय उपलब्ध झाला आहे. त्यामुळे बाजारपेठांपर्यंत पोहोच अधिक सोपी झाली असून व्यापाराला चालना मिळाली आहे. तसेच या भागातील पर्यटनालाही मोठी मदत होत आहे. या रेल्वे मार्गामुळे प्रवाशांना प्रवासासाठी आणखी एक पर्याय मिळाला आहे. विशेषतः खराब हवामानाच्या काळात, जेव्हा रस्ते आणि हवाई सेवा अनेकदा विस्कळीत होतात, तेव्हा हा रेल्वेमार्ग अधिक उपयुक्त ठरत आहे.
