Amravati| 'विदर्भाच्या राजा' ची विसर्जन मिरवणूक, विसर्जन मिरवणुकीत ढोल-ताशा पथकांचा गजर
अमरावतीच्या न्यू आझाद गणेशोत्सव मंडळाच्या प्रसिद्ध 'विदर्भाचा राजा' गणरायाच्या विसर्जन मिरवणुकीस इरविन चौकातून मोठ्या उत्साहात सुरुवात झाली आहे. या भव्य मिरवणुकीत डीजे आणि लेझर लाईटला फाटा देत केवळ ढोल-ताशा पथकांचा गजर पाहायला मिळत आहे. विदर्भाच्या राजाला निरोप देण्यासाठी हजारो गणेशभक्त रस्त्यावर उतरले असून 'गणपती बाप्पा मोरया'च्या जयघोषाने राजकमल चौक परिसर दुमदुमून गेला आहे.
