Dharavi Rain| धारावीच्या अरुंद गल्लीबोळात तुडुंब पाणी, धारावीतील नाले ओसंडून वाहू लागले
मुंबईत सकाळपासूनच मुसळधार पाऊस झालाय. त्यामुळे जनजीवन विस्कळीत झालंय. अरुंद गल्लीबोळ पाण्याने तुंबलेत, नाले ओसंडून वाहू लागले आणि झोपडपट्ट्या तसेच रस्त्यालगतच्या दुकानांत पाणी शिरल्याचं पाहायला मिळालं. नागरिकांना कमरेपर्यंत पाण्यातून वाट काढावी लागली, तर लहान व्यवसाय ठप्प झालेत. आधीच कष्टाने जगणाऱ्या धारावीतील गरीब कुटुंबांवर या पावसाने आणखी संकट ओढवले असून परिसरातील निकृष्ट पायाभूत सुविधा पुन्हा एकदा उघड झाल्या आहेत.
