14 पाकिस्तानी दहशतवादी भारतात घुसले, Anant Chaturthi च्या पार्श्वभूमीवर Mumbai Police यांना धमकी

अनंत चतुर्दशीच्या निमित्ताने मुंबई पोलिसांना एक धमकीचा संदेश मिळाला आहे. हा संदेश वाहतूक पोलिसांच्या अधिकृत व्हॉट्सअॅप नंबरवर पाठवण्यात आला आहे.या संदेशात असा दावा करण्यात आला आहे की शहरातील ३४ वाहनांमध्ये मानवी बॉम्ब ठेवण्यात आले आहेत आणि स्फोटानंतर संपूर्ण मुंबई हादरून जाईल. तसेच, स्वतःला "लष्कर-ए-जिहादी" म्हणवणाऱ्या व्यक्तीने लिहिले आहे की १४ पाकिस्तानी दहशतवादी भारतात घुसले आहेत. या धमकीत असेही म्हटले आहे की स्फोटासाठी ४०० किलो आरडीएक्स वापरला जाईल, जो "१ कोटी लोकांचा जीव घेऊ शकतो. या धमकीनंतर, मुंबई पोलिस सतर्क झाले आहेत आणि शहरात सुरक्षा वाढवण्यात आली आहे. पोलिस या धमकीची प्रत्येक कोनातून चौकशी करत आहेत.