टाळ-मृदुंगाची साथ अन् पारंपरिक वेशभूषेचा थाट, आषाढी वारीसाठी असंख्य हात सेवेत मग्न
अवघाचि संसार सुखाचा करीन... आनंदे भरीन तिन्ही लोकी... या संत तुकाराम महाराजांच्या अजरामर अभंगाचा संदेश उराशी बाळगून लाखो वारकरी पंढरीच्या वाटेवर निघण्याच्या अंतिम तयारीत व्यस्त आहेत. मात्र, ही आषाढी वारी केवळ विठ्ठलनामाचा गजर करणाऱ्या वारकऱ्यांपुरती मर्यादित नसून, ती सेवाभाव जपणाऱ्या असंख्य हातांचीही एक सुंदर साधना ठरत आहे....पारंपरिक धोतर, सदरा, टोपी आणि उपरणं खास आवडीने शिवून घेत आहेत. चालू वर्षात वाढत्या महागाईचा काहीसा फटका बसलेला असला, तरी विठुरायाच्या भेटीसाठीची जय्यत तयारी आणि सेवेचा अथांग भाव वारकरी अन् कारागीर दोघांमध्येही तितक्याच उत्कटतेने व अढळ श्रद्धेने पाहायला मिळत आहे
