Nashik Water Shortage| बोरीची बारी गावात पाणीटंचाई भीषण, 35 फूट खोल विहिरीत उतरुन पाणी भरायची वेळ
नाशिकच्या बोरीची बारी गावात सध्या भीषण पाणीटंचाई आहे.हंडाभर पाण्यासाठी महिलांना जीव मूठीत धरुन 35 फूट खोल विहीरीत उतरावं लागतंय.पाण्यासाठी गावकऱ्यांचा संघर्ष अद्यापही संपण्याचं नाव घेत नाहीय.हंडाभर पाण्यासाठी अक्षरश: जीवाची बाजी लावत महिलांना खोल विहिरीत उतरावं लागतंय. पाय निसटला, तर थेट कपाळमोक्ष होण्याची भीती असतानाही या महिला आपल्या लेकरा-बाळांसाठी दररोज जीव धोक्यात घालतायत.स्वातंत्र्याची पंचहात्तरी साजरी केलेल्या देशातील नागरिकांना अद्यापही पाण्यासारख्या मुलभूत सुविधांसाठी झुंजावं लागतंय. यांच्या घरी पाण्याचा थेंबही नसला तरी त्यांच्या डोळ्यातलं पाणी बरंच काही सांगून जातंय.
