Nepal Flood| नेपाळमधल्या पुरामध्ये 105 भारतीय पर्यटक बेपत्ता, पुरासंदर्भातले A TO Z अपडेट्स
नेपाळमधून धक्कादायक बातमी समोर येतेय. तिबेटमधून अचानक आलेल्या मोठ्या पुरामुळे नेपाळमध्ये हाहाकार उडालाय. तिबेटमधून वाहणाऱ्या भोटेकोशी नदीला आलेल्या महापुरामुळे नेपाळच्या रसुवा जिल्ह्यात प्रचंड नुकसान झालंय. बाजारात उभी असलेल्या गाड्या पाण्याच्या जोरदार प्रवाहाने वाहून गेल्या. हजारो लोक या पुरात वाहून गेल्याची भीती व्यक्त केली जातेय. अधिकाऱ्यांच्या माहितीनुसार, तिमुरेसह जवळच्या दोन बाजारपेठा पूर्णपणे उद्ध्वस्त झाल्या आहेत. नेपाळ सरकारने पाच जिल्ह्यांमध्ये सतर्कतेचा इशारा दिला असून बचाव कार्यासाठी लष्करी हेलिकॉप्टर तैनात केली आहेत. पंतप्रधान बालेन शाह यांनी राष्ट्रीय आपत्ती व्यवस्थापन प्राधिकरणाची तातडीची बैठक बोलावली आहे.नेपाळमधल्या पुरामध्ये १०५ भारतीय बेपत्ता आहेत... १०५ भारतीयांसह एकूण साडे तीनशे परदेशी पर्यटक बेपत्ता असल्याचं कळतंय. सीमावर्ती भागातली अनेक गावंच्या गावं वाहून गेलीयत.. नेपाळमधले अनेक महामार्ग बंद झालेत.. नेपाळ पर्यटन मंडळाच्या माहितीनुसार पूरग्रस्त भागातून ३८४ पर्यटक बेपत्ता आहेत.
105 Indian tourists missing in Nepal floods; A to Z updates on the flood situation.
